For the conversations yer service isna haein the noo
Maist services hae an interpreter route for the formal appointment. Gey few hae onything for the twinty meenits at the front door that decides fither the formal appointment iver happens. My Words is a web application for that twinty meenits, wi naething tae install on aither side.
The gap this sits in
Fan somebody arrives an there's nae leid in common, the realistic options the day are a bookit interpreter days awa, a phone line wi a wyte an nae context, a faimly member that shidna be in the room, or a consumer owersettin app used sentence by sentence wi naebody able tae tell foo weel it did.
Fit that gap costs ye is the conversation that gets cut short, the disclosure that niver comes oot, the option naebody explains, an the body that's telt tae come back anither day. A bad owersettin is the least o it.
Fit chynges
My Words gies a member o staff a wye tae haud that conversation the noo, in a form that keeps the context ower the hale exchange, tells them fan it isna shuir, an leaves a record o fit wis really said.
It disna chynge fa's responsible for the decision. The professional is aye the professional.
Early on, nae insteid o
Gweed fit. First contact an triage, drop-ins an duty desks, wellbein an support conversations, explainin options an neist steps, arrangin the appointment that dis need an interpreter.
Wrang fit. Statutory assessments, legal proceedins, clinical consent, formal safeguardin interviews, onything that'll be relied on as an evidential record.
The questions services really dee speir
Answered plain eneuch that ye can forward the page tae faiver his tae approve this.
Tell us aboot the conversations
The maist usefu first message describes the settin, the leids ye meet maist aften, an fit happens the noo fan naebody in the biggin his a leid in common wi the body in front o ye.