Gettin help
If somethin isna warkin, or ye're nae shuir fither fit ye're seein is richt, stert here.
User guide
Foo tae rin a conversation, fit the twa surfaces are for, fit the markers aside a turn mean, an fit tae dee fan the tool speirs a question at the ither body.
Common problems
The things that gyang wrang maist aften an fit tae dee aboot them, includin the eens that are warkin as intendit an jist leuk like faults.
Log a ticket
Logged inside the application, sae if ye're signed in, yer accoont an the build ye're on get attached wioot ye typin them.
Bother wi a live conversation?
If a conversation is gaun on the noo an ye're nae confident the body in front o ye is bein unnerstuid, stop usin the tool for that conversation. Faa back on fitiver ye wid hae deen afore: a bookit interpreter, a colleague, anither appointment. Syne tell us fit happent.
Naething aboot a support process shid iver be the reason a kittle conversation cairries on by the pint far it shid hae stoppit. The safeguards page is the boundary, an it applies fither or nae onything is broken.
Case details
Nae names, addresses, case references or onything else that identifies a body ye're supportin. Nae in a ticket, nae as an example, nae as a screenshot.
Describe fit the tool did in general terms. If we genuinely need tae leuk at a specific conversation we'll arrange that richt, wi the appropriate controls in place.