Report a problem

Fit tae pit in it

1. Fit ye were deein. The surface ye were on, the twa leids, an roon aboot far in the conversation it happent.
2. Fit ye were expectin. Ae sentence.
3. Fit happent insteid. Ae sentence or twa. If there wis a note aside the turn, fit it said.
4. Fan. The date an roon aboot the time, sae we can find it in the logs.

Ye dinna need tae diagnose it. A description o fit ye saw is mair usefu nor a theory aboot the cause.

Fit nae tae pit in it

Naething that identifies the body ye were supportin: nae names, addresses, case references, dates o birth, or screenshots wi ony o thae in them. Describe fit the tool did, nae fa it wis deen for. If we need tae leuk at a specific conversation we'll arrange that throwe yer organisation, richt an proper.

Fit happens neist

We read aathing. An answer usually taks a fyow warkin days, acause this is a smaa team biggin the product as weel as supportin it. A report o a missin or wrang transcript, or an owersettin that wis wrang in a wye that maitered, gyangs tae the front o the queue.

If it's urgent

If a conversation is gaun on the noo an ye're nae confident the body is bein unnerstuid, stop usin the tool for it an faa back on fit ye wid hae deen afore. Syne tell us. Nae support process shid be the reason a conversation cairried on by far it shid hae stoppit.